Kyon

Kyon aye tum zindagi me mere, jab sath mera na dena tha,
Kyon di hansi honthon pe mere, jab ankh me aansoo dena tha,

Kyon bane parchhai mere, jab sath mere na chalna tha,
Kyon bane tum alfaaz mere, jab ashaar mere na banna tha,

Kyon bane tum pankh mere, jab parwaz me sath na dena tha,
Kyon bane tum sansen meri, jab  dil me mere na basna tha,

Kyon bane tum patwaar mere, jab majhdar me sath na dena tha,
Kyon pana chaha maine tumhe, jab tumhe mere na hona tha